Cargando&hellip

Situado no lugar de Lamela pertencente a parroquia de Sta María de Lamela, podemos acceder a este pazo a través da estrada C-536 (Ourense- A Rúa).

A torre de Lamela remóntase á época medieval. Pertencía á casa da Pena e a Torre tiña un subforo máis dos señores da Pena.

A parte máis interesante corresponde á torre que dá nome á casa. É de planta rectangular e de cachotería. Conserva no lado sur unha fiestra con zapatas nos ángulos superiores, e no oeste unha fiestra gótica con arcos, parteluz e arco de medio punto, que están na actualidade tapiadas.

Na fachada oeste da torre, no corpo que linda, ábrese un portalón que dá acceso a un patio ou vestíbulo do que arrinca unha escaleira de pedra con varanda tamén de pedra, que serve de entrada á vivenda.

Sobre a cuberta cabe sinalar a presenza dunha gran cheminea da cociña construída con perpiaños de corte transversal trapezoidal. Leva cornixas con remates limitando os buratos do fume.

Dirección

Dirección:

Santa maria de Lamela Pereiro de Aguiar

GPS:

42.33801403130426, -7.8140888750334625