Situado no pobo de Lamela pertencente a parroquia de Sta María de Lamela, podemos acceder a este pazo a través da C-536 ( Ourense- A Rúa).Ver Mapa

A torre de Lamela remóntase á época medieval. Pertencía á casa da Pena e a Torre tiña un subforo máis dos señores da Pena.

A parte máis interesante corresponde á torre que da nome á casa. É de planta rectangular e de mampostería. Conserva no lado Sur unha fiestra con zapatas nos ángulos superiores, e no Oeste unha fiestra gótica con arcos, parteluz e arco de medio punto, que están na actualidade tapiadas.

Na fachada Oeste da torre, no corpo adosado ábrese un portalón que da acceso a un patio ou zaguán do que arranca unha escaleira de pedra con barandilla tamén de pedra, que sirve de entrada á vivenda.

Sobre a cuberta cabe sinalar a presencia dunha gran cheminea da cociña construida con sillares de corte transversal trapezoidal. Leva cornisas con remates limitando os buratos do fume.

Do mesmo xeito, unha interesante adega abovedada de antiga construcción.