O Concello de Pereiro de Aguiar atópase situado a 7 Km. da capital lindando cos Concellos de Nogueira de Ramuín ó Norte, Paderne de Allariz ó Sur, Esgos ó Leste e Ourense ó Oeste.

A súa extensión é de 61,1 Km2 situándose á esquerda do río Miño que baña as súas terras ó carón do encoro de Velle, aínda que tamén transcorre por este Concello o río Loña, verdadeiro nervo axial do mesmo, deixando o seu paso outros dous encoros que abastecen de auga á capital provincial (Cachamuíña e Castadón). Posúe unha poboación de 5.326 habitantes (ano 2.003) e está composto por 13 parroquias.

As maiores alturas podemos atopalas na cadea oriental, Chaodarcas (647 m.) e nos montes de Ordelles, Outeiro de Covas e Balbón, na cadea occidental sitúase como punto máis elevado o Monte de A Chaira (449 m.).

O clima destas terras baixas e abrigadas, prolonga o mesmo clima que o val do Sil, con netas características mediterráneas. A temperatura media anual é de 14º en Xaneiro e 21,7º en Xullo.

Forman parte do Concello as seguintes parroquias: